Kembali ke daftar lagu
Lirik
[Verse 1]
Tubu sukkun-sukkun di rohakkon
Marnida na masa di portibion
Molo dirimangi akka poda tu na masa
Poda do na sala manang hita do na sega
Loja mandiori gabe lilu au
Habonaron sian ompung dang porsea au
Sinukkun agamo tong do dang maralus
Sipata nasida manghatahon akka gabus
Aha, aha do na sala? aha do na denggan?
Ise sitangihon? ise sipeleon?
Dia sidalanon? dia tadinghonon?
Padao au sian golap haotoon
Nungnga mohop roha nungnga mohop
Lehon olop olop asa unang gunop
Tung sai hot ma pathu, sai tio tondikhu
Dang jadi au mabiar, mangalului lapatan ni ngolu
[Chorus]
Tu dia ma boanonku dalan ni ngolukon
Tu dia ma, tu dia ma, tu dia ma, tu dia ma
Tu dia ma boanonku dalan ni ngolukon
Tu dia ma, tu dia ma
[Verse 2]
Sangkap hi naeng ma nian, sonang roha songon parekkel ni halak an
Dang sai pola marsak mamikkiri ngolu
Dang sai pola loja songon luga luga solu
Holso, unang be ro
Lao ma ho, dao dao, tu tao ma ho
Hey, akka na sapot, unang be dapot
Lehon ma ramot, pahatop hatop
Sai, horas ma ngolukon
Di dalankon, di tondikkon
Simalolongku, marilu ilu
Molo huingot, akka naung salpu pangalahonku, na so mallabu
Unang be nian, sai lilu
Sipata las mekkel nama au dibagas rohakkon
Hubunihon akka holso sian rupa bohingkon
Huputik parbue na lambok sian ngolukon
Asa dang rarat dang marurat halungunankon
Lam marsiajar au, lam gabe lilu au
Lam gabe bisuk au, lam gabe marsak au
Parbinotoan anggi ni haotoon do
Dang sude umpasa na tua tua i toho
Olo mamora ho, hape marsahit ho
Olo mapogos ho, hape laos sonang do
Hee e ee, hee e ee…
[Chorus]
Tu dia ma boanonku dalan ni ngolukon
Tu dia ma, tu dia ma, tu dia ma, tu dia ma
Tu dia ma boanonku dalan ni ngolukon
Tu dia ma, tu dia ma