No. 92 Kam Kakap Lalap Man Ikutenku

Verse 1

Kam kap lalap man ikutenku Yesus Kam penebusku Kam kap Penundalenku Yesus Kam Penawarku Ialemi Kam dosangku Maka senang tendingku Kam kap lalap Penalemenku Yesus Kam penebusku

Verse 2

Kam o, yesus pengarepenku Kam pematang tuahku Kam si negu-negu aku pe Ku bas kesenangen e Bengket Kam ku kematen Lako ngepkep tendingku Maka aku pe terkelin kin Bengket kesenangen e

Verse 3

Ibas paksa kesusahenku Kam min penalemenku Tah kai jadi bas geluhku Kam si negu aku pe Sedekah umur geluhku Amin seh pe sipatku Kam si negu-negu aku pe Bengket kesenangen e