No. 89 Si Medersa Me Ukurna

Verse 1

Ketuahen ia me Sangap ia me aturna Keriahen surga pe Bana ras ncukupi kap Kebayaken si tetap

Verse 2

Si erate ceda "rtuah Bana apul Tuhan kap Ban nggo ndeher si Perkuah PenampatNa tergejap Mambur iluh gia me Ipernehen Tuhan pe

Verse 3

Ketuahen si ukurna Lembab tah megogo e Maka "rtambah me bujurna Nggit kali a talu pe Kurang kerajangna pe Bana kap pertibi e

Verse 4

Si melehe dingen muas Kempak kebenaren e Ketuahen, lanai muas Ia ibesuru pe Si nggo nare min ku das Ia ngidah Tuhan ras

Verse 5

Si atena nge mekuah Man teman ras kalak pe Ia sangap ras ertuah Ban mehuli langkah e Si ngapuli kalak e Jumpa pengapulna e

Verse 6

Si melikas ukur kapen I idahna Tuhan pe Kebujuren reh tetapen Geduk ilawanna me Singgo ngayak serta kin Ia serta kal pagin

Verse 7

Ketuahen si ngayaki Maka "rdame ras teman Si ndarami periahken Ukur asa si terban Si bage ukurna kin Anak Tuhan me pagin

Verse 8

Si "rkiteken kebenaren Seh bas kepiceten pe Labo kai pe kebiaren Ketuahen ia nge Kerajan Dibata kin Tentu bana me pagin

Verse 9

Adi igombangi kalak Kam "rdandanken Tuhan me Ola gia ersimolak Di icerukaki pe Si nggenggengken enda kap Ketuahen me tetap

Verse 10

Sira tending doni enda Kam me singgo tek kap e Arah lagu langkah jensa Min terpuji Tuhan nge "Di atendu surga e Ayak ukur surga pe