No. 209 Perpulungen Ersadalah

Verse 1

Ngikutken pedahNa Bas kiniteken tetaplah Man Tuhan Dibata Bas si mehuli ayaklah Si sampaten Bage kap pedah Dibata Sikeleng-kelengen

Verse 2

Gereja Kristen sikaplah Ersada paguhlah Ersada ukur min i bas Dibata Bapanta Peturah kiniteken pe Ras dame k"rinalah Ras sikeleng-kelengenlah Ngikutken Tuhanta

Verse 3

Ersaa bas peridin Ban sada Tuhanta Gereja kitik tah mbelin Si mada Dibata Gereja la baanci pecah Ersada kerina Ersada bas kiniteken Sisampat-sampaten

Verse 4

Erbage-bage pemere Man banta kerina Tujunna sada me kepe Terpuji Dibata Ersada ukur me jine O, Kristen japa pe Anem melala ringring pe Sada kula kepe

Verse 5

Kerina daten pemere Dat pasu-pasu pe Mejingkat k"rina min dage Ndahiken dahin e Meteruk ukur k"rinalah Em pedah Tuhan e Em jadi man ikutkenlah Ibas kelengNa e