No. 158 Nggo Gia Mentas Tahun E

Verse 1

Tambah ka tahun enda O, Tuhan b"relah bangku e Kuidah ka ambahna "Di mentas gia wari kap Kuteh Dibata me tetap

Verse 2

Tambahi Kam gegehku min Kam Tuhan si mekuah La gia nuhit aku kin Nggit aku min erbuah Megati ceda ukurku kap Ban aku lalap la tetap

Verse 3

"Di idah Kam langkahku e Oh, nembeh Kam Tuhanku Nggit niNdu : "Tabah kayu e Si la erguna baNgku" E tuhu la erguna kap Ban labo aku me tetap Ban Kam ngkakui aku kin Emaka sai utangku Kam Yesus ajar aku min Ngendesken kerajangku Ras ibas tahun baru kap Sampati jingkangku tetap

Verse 4

Sampati aku o, Tuhan Bas kai pe aku jumpa Jujurken Kam lah si kuban Pedauhlah min kelesa Padanku maka aku kap Ibas gegehNdu me tetap