No. 791 O HAMU PARANGAN

Verse 1

O hamu parangan ni Tuhanta i, Borhat ma hamuna tu tongtangan i. Kristus Ulu Balang do partogi i. Na marhamonangan di mandera silang i.

Verse 2

Taluhon hamu ma haholomon i, Na mambaen marjea hajolmaon i Hata ni Tuhanta baen sinjatami, Pajongjonghon hatigoran dohot dame i.

Verse 3

Parangan na monang, na porsea i Na tongtong mardalan raphon Tuhan i, Pamatang ni Kristus do Huria i, Sada panghirimon nang haporseaon i,

Verse 4

Angka Harajaon, na lao salpu do, Huria ni Kristus sai manongtong do, Pintu ni narokko, nang tartaban do, Padan na binaenNa dipasinghop Jesus do.

Verse 5

Sai udur ma hita raphon Kristus i, Rap marsurak hita pasangaphon i, Puji ma goarNa, na badia i, Rap dohot suruan lao manomba Tuhan i.