Naskah
Isi lengkap
Verse 1
Marlas roha ma hamu di bagasan Jesus Na pasonangkon hamu Jesus Kristus Tuhanmu jonok do di lambungmu.
Verse 2
Nang torop pe musu mu na mambahen lilu, Unang ganggu be hamu, Jesus ulu balangmu, Marporang di jolomu.
Verse 3
Pabotohon ma burju nang habasaronmu. Tu saluhut donganmu na manaon na porsuk Arahon ma tu Jesus.
Verse 4
Sai padao ma holso mi dok mauliate, Binsan asi roha i, manondangi ngolumi Tiur dibaen dalanmu.
Verse 5
Dame na sumurung i, sian Debatanta Na sohalompoan i dibagasan Kristus i Saleleng ni lelengna.
Verse 6
Sai marlas ni roha ma, hita HuriaNa. Nang pe parungkilon i sai ditogu Jesus do RuasNa tu lambungNa.