Naskah
Isi lengkap
Verse 1
Hagogoon dohot apul-apul Do dilehon Tuhan i tu au, Ganup ari au ditogu-togu Ganup tingki diondingi au. Ai hombar tu lomo ni rohaNa Do dilehon Tuhan i tu au Ro marsorin arsak las ni roha Haporseaonhu dipatau.
Verse 2
Ganup tingki Tuhan raphon ahu Jala sai dipasu-pasu au. Sai di togu au molo madabu, Talu musu jala monang au. Ai pargogo na sohatudosan, Debatangku salelengna i Mangalehon dame dohot tua, Tu angka na bojok roha i.
Verse 3
Songon Ama do tu anakkonNa Holong ni Tuhanta i tu au. Ndang mansadi pangurupionNa Hombar tu padanNa na tu au. Debata Amanta na di ginjang I do haposanku sai tongtong. Di pangiringiring ni tanganNa, Dame, sonang do rohangkinon.