No. 655 OJAHAN NI HURIA.

Verse 1

Ojahan ni Huria sasada Jesus i, Marhite pandidion rap dohot hata i, Huria ni riritNa baen oroanNa i, PinarbadiaanNa marhite Mudar i.

Verse 2

Sian saluhut bangso na di portibion, Marhite haluaon sada Huria on, Ai sada pandidion, sada haporseaon, Sada nang panghirimon ni HuriaNa on.

Verse 3

Di angka parungkilon nang paraloan i, Tongtong marpanghirimon di dame na hot i. Gok do hamuliaon di alatanNa i, I do na tau teanon ni HuriaNa i.

Verse 4

Tongtong marsada roha nang pe di tano on, Huria na badia pinasupasuMon. Ulaon na badia patogu roha on, Tuhan Sitolu sada pamonang hami on.