No. 653 JUBILEUM NI HURIA

Verse 1

Na tama do ingotonta taon parasi ni rohaon on Jubileum parningotan, di hita sahuria on -Nunga lima pulu -(Nunga gok saratus) -(Saratus lima pulu) -(Nunga dua ratus) -(Dua ratus lima pulu) taon naung ojak Huria on. Taon parolopolopon do on di nasa Huria on.

Verse 2

Taolophon denggan basaNa ita jalo sian Debata, Saluhut do disarihon, na ringkot di ngolunta on, Lam togu ma parsaoran di hita HuriaNa on, Radot masitangiangan ma, masiurupan hita on.

Verse 3

Ruas angka na matua, baen tiruan hita on tongtong, Maradophon anakhonta, tangkas ma ingot i tongtong, Sundut na umposo i do na sumingkati hita on, Togu-togu, tangiangkon ma, asa jonok tu Debata.

Verse 4

Rade haporseaonta lao mangadopi hamajuon on. Asa gabe pasupasu, panghorhon nii tu hita on, Tung tangkas ma tapodai, anakhon ni Huria i, Asa jolma halomoan i di hita nang di Tuhan i.