No. 602 DI NATAL NA PARJOLO I

Verse 1

Di Natal na parjolo i, parmahan marborngin di ladang i, Tusi do ro suruan i, mandok nunga sorang Mesias i. Noel, Noel, Noel, Noel, Tubu Raja ni Israel.

Verse 2

Binsar do sada bintang i Di purba torang sinondang i. Tongtong tarida bintang i, Arian nang borngin patar do i. Noel, Noel, …………..

Verse 3

Parroha sian purba i, Lao borhat manjalahi Raja i. Paihut-ihut bintang i, Tu huta ni Raja na sorang i Noel, Noel, …………..

Verse 4

BintangNa i natiur i, Mardalan do tu manabia i. Di Betlehem mansohot i, Di atas inganan ni Jesus i. Noel, Noel, ……………

Verse 5

Parroha sian purba i, Lao bongot tu bagas ni Jesus i. Disombahon tu Jesus i Haminjon, mas, mir, binoanna i. Noel, Noel, ……………

Verse 6

Antong marende hita on, Di Raja ni langit nang tano on. Napaluahon hita on, Sian huaso ni portibi on, Noel, Noel, ……………