Naskah
Isi lengkap
Verse 1
Puji ma Debatanta O huriaNa i Tapuji ma Tuhanta hamu ruasNa i. Nang gok pe parungkilon nang hasusaan i Ndang pola ho mabiar jonok do Tuhan i
Verse 2
Ho do naung pinillitNa marhite hata i. Nunga diuarihon marhite padan i, Ingkon parmuduonNa, dilele musu i Tuhanta ma haposi haporseai ma i.
Verse 3
Ina na pantas roha, na holong roha i Tung so tadingkononNa, tinubuhonna i, Nang holong ni Tuhanta, ndang olo mose i Tung so tadingkononNa ho hasianNa i.
Verse 4
Antong unang mabiar hamu na Kristen i Ditongos Pangurupi di parmaraan i, Ditongos apul-apul Sipalas roha i. Malua sian dosa sude ruasNa i.
Verse 5
Ndang dung tarsolsol bagi Tuhan na songkal i Dipadan binahenNa, tu huriaNa i, Tongtong parmuduonNa, marhite hata i Ulaon nabadia nang pandidion i.
Verse 6
Tapuji Debatanta parasi roha i. Angka pasupasuNa, ndang hasuhatan i Ibana pasadahon sude ruasNa i Sai dipadimun-dimun nuaeng nang sogot i.