No. 565 LAS ROHANGKU LAO MAMUJI

Verse 1

Las rohangku lao mamuji, Debata Parholong i, Songon bunga na mangerbang, di na binsar ari i. Arsak, dosa, haporsuhon, mago dibaen asiMi. Las ni roha na manongtong, lehon di au Tuhanki.

Verse 2

Sude jadijadianMu, laut, tano, langit i, Angka bintang dohot bulan, nang mata ni ari i. Hauma, ladang, nang harangan, rura dohot dolok i, Saluhut na mangendehon, sangap di Tuhanta i.

Verse 3

Debata Parholong roha, na manesa dosangki, Ndang tarbaen so las rohangku, lao mamuji asiMi Sai ajari sude hami, mangulahon holong i, Asa gok las rohanami, dibagasan Tuhan i.

Verse 4

Rap ma hita mangendehon, sangap di GoarNa i, Tapangiar soaranta, lao mamuji Tuhan i. Sun do holong ni rohaNa, na so marnamontok i, I do pasadahon hita salelenglelengna i.