Naskah
Isi lengkap
Verse 1
Di dia angka jolma, dijouhon Tuhan i, Na olo suruonku, torop na mago i? Torop do ina Batak nang na marbaju i, Nang ama, dolidoli, na mansai dao dope.
Verse 2
Tardidi do nasida, ringgas marminggu be, Marrupa hadaulaton nasida sasude. Alai tung dao rohana, ndang sae dosana i. Tuhanna ndang digolom nang panghophopNa i.
Verse 3
Dison do au, o Tuhan, sai suru dohot au. Manjou angka jolma na tongtong mandaodao. Hulehon ma gogongku nang tingkingki tu Ho. Paima mulak dongan ndang olo au be so.
Verse 4
Dilehon Ho hosaMu manghophop hami on. Tung patut huseahon nang dohot ngolungkon Humophop angka dongan na so mananda Ho, Na mian di arsakna naeng luluanhu do.