Naskah
Isi lengkap
Verse 1
Sai ro ma tu bara di Betlehem on, hamu na porsea hatop ma tu son! Marnida halasan ni rohanta i, tinongos ni Ama na di surgo i
Verse 2
O ida hamu ma di bara inon, Dakdanak na tubu disi borngin on Uli do rupaNa, mataNa tiur, o bereng Ibana, ho gabe tiur
Verse 3
Las roha Maria nang Josep disi, marnida na metmet na sorang tusi Marsomba tu patna do parmahan i, di ginjang marende pardisurgo i.
Verse 4
Pasinggang ma totmu hamuna sude, maniru parmahan marsomba muse Marende hamu na marlas roha i, maniru suruan na di ginjang i
Verse 5
Sai dok ma o Anak ni Debata i, ho ro sian ginjang dibaen asiMi Di hami sudena na mardosa on, mambaen haluaon di hami tongtong
Verse 6
Tung aha ulaning denggan di rohaM? Silehononnami baen las ni rohaM? Nang sere nang perak ndang pinangidoM Ai roha na ias sambing do lomoM
Verse 7
Antong rohanami ma peleanMi, o Jesus hasian sai jalo ma i Ias jala sonang ma baen angka i Tongtong gabe domu ma tu rohaMi.