No. 46 NA SIAN GINJANG DO AU RO

Verse 1

Na sian ginjang do au ro, barita na imbaru do Huhut na uli situtu, Huboan tu sude hamu

Verse 2

Naung tubu do saborngin on, Anak ni na marbaju on Anak na uli situtu, Na gabe las ni rohamu

Verse 3

I ma Tuhanmu Kristus i, na ro mangontok jea i Silehon tua di hamu, huhut sisesa dosamu

Verse 4

Diboan hangoluan i silua ni AmaNa i Ai naeng tu harajaon nii pasuangonNa jolma i

Verse 5

On ma partinandaan nii Di bara dapotonmu i Peak di panggagatan do, huhut na binalutan do

Verse 6

Boti didok barita i, tinongos tu parmahan i Tu nasa hajolmaon pe ditongos Debata dope

Verse 7

On pe rohangku tanda ma, luhutna i patangkas ma Ai ise Posoposo i? Jesus alealem do i

Verse 8

Tuani ma Ho Jesus ro, dangolhu dieahi Ho Ndang marsineang rohami di au parhamagoan i.

Verse 9

Longang tutu do rohangki marnida pangalahomi Nang gok di Ho portibi on martohap Ho di dangolhon

Verse 10

O Jesus haholonganki bongoti dohot rohangki Pabali sian i sude na tau mangago au muse

Verse 11

Haleluya, Haleluya na ro tu hita Debata Martua hita baenon ni Saleleng ni leleng na i.