No. 426 TUTU NA MATE JESUS I

Verse 1

Tutu, na mate Jesus i humophop i ba on? Durus di hau parsilang i mudarNa i tongon Songon i tutu songon i tutu, Umbaen na mate Jesus i siala au do i

Verse 2

Tutu na mate Jesus i siala dosangki? Na lao pasaehon utangki dibaen holongNa i? Songon i tutu songon i tutu, Umbaen na mate Jesus i siala dosami

Verse 3

Holom ni haholomon i, targantung Jesus i. Parholong, lambas roha i, tung ala dosangki. Songon i tutu songon i tutu, Umbaen na mate Jesus i siala dosami

Verse 4

Tama huhuphup bohingkon marsinggang di jolom. Mariluilu matangkon marningot basaMon. Songon i tutu songon i tutu, Umbaen na mate Jesus i siala au tongon

Verse 5

O Jesus, sai urupi au, asi ma rohaMi, Dison do au, sai togu au, naeng saut tu lambungMi. Songon i tutu songon i tutu, O Jesus sai urupi au saut ma tu lambungMi