Naskah
Isi lengkap
Verse 1
Hamu sude naung tinoruan ni patik ni si Musa i Sai ro hamu tu hasonangan na dibagasan Jesus i Ai nunga ditostosi Jesus do ihotihot ni sibolis, na mangagohon tondimu. Dapothon ma nuaeng Tuhanmu, naung ro mambaen haluaonmu; papos ma rohami disi
Verse 2
Na ro ma Gurumi, tarehon pinggolmu tu podaNa i Naeng patuduhononNa dalan di ho nuaeng tu surgo i. Ai na buni anggo najolo, patar do di sude na olo Porsea di Tuhanta i. Ibana do na paboahon Saluhut na hinalomohon ni Debata, AmaNa i.
Verse 3
Na ro ma Rajami, sai jangkon Ibana tu roham ale. HasangaponNa ditadingkon mambuat dangolmi tahe Antong sai tiop ma tanganNa paboa na nirajaanNa Huhut niramotanNa ho mangmangkon ma burjum, paboa tundalhononmu do na roa Lao mangoloi RajaM naung ro
Verse 4
Gok situtu hamoraonmu di Jesus Kristus Tuhanmi. Tangkas ma i naeng etongonmu gotaphon sian rohami Luhut na olo mago sogot ai ingkon gabe parsidohot Ho tu banuaginjang i Saonari do helehetanna na jumpang do hadenggananna Sai jangkon Jesus Tuhanmi