Naskah
Isi lengkap
Verse 1
Rade situtu haluaon, na naeng tangkuponmu antong. Rade nang di ho hatuaon, sihalashononmu tongtong. Bernit do ditaon Tuhanmu pasaehon dosam sasude. Tung unang paujat Ibana, sai jangkon pangkophopNa i.
Verse 2
Patedek sude hahurangan, topoti sandok dosami, Pangido: Sai sesa o Tuhan, sude pangalaosionki. Datdati, sai saut botoonmu naung sesa dosam sasude; Mardame dagingmu nang tondi, maniop tongtong Tuhan i.
Verse 3
PangkophopNa i parangehon, pasangap Tuhanmu antong. Ibana buas mangalehon tu ho, hasonangan tongtong. Sandok sian holso malua, nang sian biarmu sude, Sonang nama ho na martua, mangkirim tongtong surgo i.