Naskah
Isi lengkap
Verse 1
Hatiha na so salpu be, sobokkon ronggur do tahe, Saringarmi di ahu , sobokkon podang na tajom, Ditiham Ho do rohangkon, tu dia nama ahu Tung angka dotdot do au on, di na hupingkir harorom.
Verse 2
Ai jea di portibi on, sai na marujung do tongtong Di ujung ni luhutna, alai na masa sogot i Ndang dung marujung anggo i, saleleng ni lelengna Ndang be malua sian i, na lao tu hamagoan i.
Verse 3
Mabiar do au mida ho, hatiha na naeng sogot ro Tung gait ma rohaniba, mamingkir borngin na holom Nang pe na bernit na tongtong, nda jut ma rohaniba? Ai na jumorbut sian i, nda tung adong di tano i.
Verse 4
O Debata pintor do Ho, parjahat i didabu Ho Tu api na so mintop, hatiha pardosaon i Jempek do anggo uhum i, ndang olo be mansohot O jolma ingot i tongtong, saleleng ho di ngolumon
Verse 5
Sai ngot ma ho, na modom i, di dosa hamagoanmi Pauba ma rohamu, jonok do paruhuman i Sai jaloonmu do disi, hombar tu na binaenmu Aik tung beha ajalmu ro, andorang so ditagam ho.
Verse 6
Hatiha na so salpu be, na doshon podang i hape. Naeng manorusi ahu, hatiha so martingki i Mansai gondok do rohangki, tu dia nama ahu? O Jesus sai asi rohaM, pabongot au tu banuaM.