Naskah
Isi lengkap
Verse 1
Di tano on mardagang au, sambuloniba di na dao I ma Jerusalem na uli, Debata paojakkon i Di mudar ni anakNa i, tu si ma lao tondingku muli Di tano on mardagang au, sambuloniba di na dao.
Verse 2
Pardalan niba doras do, laos songon i ajalhu ro Naung salpu i ndang haulahan, silu do suda bohalhon Urasi Jesus rohangkon, huhut patonggor parnidaan Manggotap roha tano i, mareak na di surgo i.
Verse 3
Matua maol do dalan i, atik pe lao tu surgo i Lan do jagaon ni rohangku, gogot do dalan musu i Mangambat au unang tusi, jotjot do na tartuktuk pathu Huhut lungun do dalan i, jut situtu do rohangki
Verse 4
Jotjot hurangan rohangki, di sondang ni Tuhanta i Na sian asi ni rohaNa, disi marparmaraan au Adian pe so dapot au, alai na lupa do susana Di na marningot tondingki, di surgo sitopoton i.
Verse 5
O Jesus Debata hian, na gabe jolma nahinan Pardagang situtu donganku, nuaeng ma sian hataMi Tu au tuduhon bogasMi, lam jonok baen tu Ho rohangku Tongtong do habang ngolungkon, silu ma topot AnakMon.
Verse 6
Gomgomi daging, tondingki, marhitehite tondiMi Patongtong rohangkon manahan, jotjot do tarsulandit au Pahehe au togihon au, ondingi au di parmaraan Sondangi dohot asiMi, rohangku di na holom i.