No. 323 SONANG DO ROHANGKU

Verse 1

Siparmahan bolon, na so olo modom, tatap ma au on BasaMi o Tuhan, do mangaramothon, au sadari on Borngin pe Ho ma muse, na manjaga humaliang ahu asa sonang

Verse 2

Ho ma manamparhon, nasa parmaraan dohot basaMi Sesa ma dosangku ias ni rohangku hasonanganki AnakMi naung mate i, i do na padao dosangku ipe las rohangku.

Verse 3

Dohot ma donganku, hinaholonganku, sahat ma tu Ho Sai tong diranapi mataMi ma hami, asa sonang do Ho tongtong di lambungkon, jala au di Ho, o Tuhan, i do hasonangan

Verse 4

Nasa parmaraan dohot hasusaan, sai padao sude Ale Amanami, sai ondingi hami, asa sonang be Sai orai pangago i, unang hami diarsahi, jala disusai.

Verse 5

Aik beha ajalhu, suda ni bohalhu, ro saborngin on? Molo i, Tuhanku, rohaMi di ahu, alap ma au on Asal lao tu surgo au, pasahaton ni Jesusku, sonang do rohangku

Verse 6

Pos nuaeng rohangku, pitpit ma matangku, mangasahon Ho Sahat tu tanganMu, daging nang tondingku, ramotanMu do HataMi do mandok i, dung i, molo ngot manogot, Ho muse hutopot.