No. 317 HAMU SALUHUT HALAK

Verse 1

Lao modom do luhutna, nuaeng sude na loja Sandok portibi on, ianggo ho tondingku Pasangap ma Tuhanmu, na sumarihon ho tongtong

Verse 2

Ale mata ni ari, tu dia ho saonnari Dilele borngin ho? Holom pe saluhutna Nuaeng diida mata, di Debatangku tiur do.

Verse 3

Nang so torang be ari, adong do sada nari Na manondangi au, panondang i Jesusku Na mian di rohangku, ndang be tadingkononNa au.

Verse 4

Naung salpu do arian, tiur do angka bintang Di hajangkajang i, suman tusi ma ahu Di lambung ni Tuhanku, dung hutadingkon tano i.

Verse 5

Lao modom au saonari, abithu huosari Huingot ma disi, ngolungku na lao salpu Nang ulos jaloonku, naung diparade Jesuski.

Verse 6

Paherbang ma tanganMu Jesus, las ni rohangku Ondingi anakMon, ro begu naeng mamolgak SuruanMi manonggak, ndang jadi jamaonmu on.

Verse 7

Dohot hamu donganku, sude haholonganku Dao sian mara i, dipaderem Debata Hamu dohot sinjata, ditiop suruanNa i.