Naskah
Isi lengkap
Verse 1
Nunga lao muse sadari, Jesus sian bohalhon Sai paingot au saonari, manang burju rohangkon Jala tudu ma sude, na hubaen na so ture Asa sae annon dosangku, jala sonang ma rohangku.
Verse 2
Lan do dapot pambaenanku, sogo ni rohaM hape. Ai gok dosa do rohangku, sala do hatangku pe Ganup tongkin ma tutu, ndang marningot au burju Di sude na pinatikMu, ala ni godang dosangku.
Verse 3
Sai asi rohaM Tuhanku, sai palambas rohaMi Ai dokdok tutu rohangku, Sesa nasa dosangki Patuduhon ma basaM, dohot holong ni rohaM Asa ganda ma ringgashu, mangoloi sude patikMu.
Verse 4
Na badia baen rohangku, dohot di na modom au BasaMi baen bulusanku, dokkon na manjaga au Sai intopi api i, jala jaga bagas i Asa unang tangis hami, dung muse tarsunggul hami
Verse 5
Sai togangi nasa jolma, na mambaen na jahat i Unang ma laluhononna, tahi ni rohaNa i Dompak hami, anakMi, angka haholonganMi Sai tamparhon sian hami, nasa na mangago hami
Verse 6
Ndang na olo nok, o Tuhan, mataMi nang borngin i Jesus Ho do Siparmahan, na dumenggan roha i Borngin nang arian pe, diramoti Ho sude Ala ni ingani hami, asa sonang modom hami