Naskah
Isi lengkap
Verse 1
Pasahat ma sudena na hinolsohonmi Tu Debata Jahowa pardenggan basa i Ai guru di Ibana do tano dohot laut Lan pe di tahi jolma roha Na do na saut.
Verse 2
Tung ingkon haposanmu Jahowa Debatam Disi ma dapotonmu sinangkap ni roham Ai ndang adong gunana nang pe holsoan ho Tangiang do dalanna asa taruli ho.
Verse 3
Diboto Debatanta Parasi roha i Na denggan nang na roa di hita sasude Na denggan di patongon tu hita sai tongtong Na roa dipadaohon manjaga hita on.
Verse 4
Ipe sai tong haposi ma Debatanta i Sian roham tostosi ma pandelean i Ai dung dihabengethon ho na hinolsomi Tibu ma ro langkaNa mambuat arsakmi.
Verse 5
Pasombu ma Ibana pature langkami Na pistar do rohaNa patupa sasude Tung sungkot pingkiranNa lao paluahon ho? Sai naeng patarhononNa gogoNa i tu ho
Verse 6
Antong, o Tuhannami paujung ma sude Na mangarsahi hami saluhut jea pe Sai sahat tu tanganMu ma hami on sude Tu surgo toguonMu ma tondinami be.