Naskah
Isi lengkap
Verse 1
Tu banuaginjang do, pardalanta i Na dihalungunhon ho, tulus ma disi Anggo dison mubauba do sude So sadia na ture di tano on.
Verse 2
Tu banuaginjang i sai tabereng be Molo ngot manogot i nang bodari pe Olo, tongtong martangiang ho gogo Ia naeng maruli ho di Jesus i.
Verse 3
Tu banuaginjang i, bereng ma tongtong Molo na hurangan ho, di portibi on Ndang jadi be ganggu rohami disi Debata patupa i, singkop sude.
Verse 4
Tu banuaginjang i, lao do sasude Dongan na porsea i, di Tuhanta i Dohot ma ho, alo sipagago i Taon nama hansitna i, satongkin i.
Verse 5
Tu banuaginjang i, lao Tuhanta i Sian haleaon i, na tinaonNa i Ihuthon ma, sian hatoruon i Dalan na tu surgo i, tu Debata.
Verse 6
Tu banuaginjang i, lao ma ho muse Gari hamatean i, parhiteanMi Diida ho ujung ni dalanta i Bagas ni Amanta i di surgo do.
Verse 7
Di banuaginjang i hasonangan i Rap marende ma disi na porsea i Haleluya i do diolophon be Di Parmonang Jesus i, Haleluya.