Naskah
Isi lengkap
Verse 1
Jonok Debatanta, unduk be ma hita, lao marsomba tu Tuhanta Mijur Debatanta, tu tongatonganta, tapahohom ma rohanta Somba ma Debata, di banuaginjang, na so halompoan.
Verse 2
Jonok Debatanta surusuruanNa, do manungkap di joloNa HabadiaonNa, dipapujipuji, dohot ende na ummuli Hita pe sasude, sai girgir rohanta, mangoloi Tuhanta.
Verse 3
O ale Jahowa, hutundalhon hami, dosa dohot jeanami Tondi dohot daging, hupasahat hami, tu tanganMu Tuhannami Sada do i ma Ho, sioloannami, pasangaponnami.
Verse 4
Debata na songkal, jala marmulia, baen ma dohot au badia Lehon ma gogongku, asa oloanku, Ho sobokkon suruanMu Lomo ni rohaMi, naeng patupaonku, Ho haholonganku.
Verse 5
Baen tobok rohangku, sian dosa sirang, sai mardame jala sonang Sai pabontor ahu, asa idaonku, bohiMi muse Tuhanku Debata Taiti ma, tu hataM rohangku, Ho naeng oloanku.
Verse 6
Sai ingani ahu, joro baen tondingku, bagas habadiaonMu Sai bongoti ahu, baen holong rohangku, di Ho Tuhan Debatangku So pe au, manang lao, Ho ma sai hutatap, jala hupasangap.