No. 251 NA MONANG I DO

Verse 1

Na monang i do na muse manganhon Parbue ni hau hangoluan i Ndang jadi idaonna hamagoan Nang hamatean paduahon i Ai Debatana papos rohana Mambaen langkana tongtong tiur, Mambaen langkana tongtong tiur

Verse 2

Na monang i ndang tupa hahuaon Ni hamatean paduahon i Sai jongjong do ibana maradophon Bohingku di banuaginjang i Sai idaonna disi Tuhanna Ro di donganna na monang i, Ro di donganna na monang i.

Verse 3

Na monang i do lehononku mangan Di surgo manna na buni dope Pangalahona do tongtong ingoton Margoar na imbaru do muse Na sinurathon tu batu intan Tongtong martua panjalo i, Tongtong martua panjalo i.

Verse 4

Na monang i marnida pambaenanKu I do na marmahani bangso i PasahatonKu deba sahalangKu Tu tangan ni sude na monang i. Sai rosahanna muse alona Patunduhonna do musungki, Patunduhonna do musungki

Verse 5

Na monang i do na manjalo ulos Na saksak di banuaginjang i Goarna i do na so jadi mosos Sian pustaha hangoluan i Taringotanku di Debatangku Sude donganku na monang i. Sude donganku na monang i.

Verse 6

Na monang i do ingkon gabe tiang Di bagasjoro ni Debatangki Di bagas i tongtong ibana mian Jumujung goar ni Jahowa i Uhirhononku tusi goarhu Sijujungonku di surgo i, Sijujungonku di surgo i