No. 228 JESUS HAPOSANKU

Verse 1

Jesus haposanku, unang au pasombu Au di hapunjungan, di na so mardongan Ho tongtong donganku, di pardalananku Jesus haposanku, unang au pasombu

Verse 2

Ho sambing Rajangku, Ho do oloanku NaposoM do ahu, di harajaonMu Sonang ma rohangku, dung tangkas di ahu Ho sambing Rajangku, jala oloanku

Verse 3

Di harajaonMu, tigor do uhumMu Ho ma huihuthon, lao tu hangoluan Naung torang tarida, sonang do nasida Di harajaonMu, ala ni uhumMu.

Verse 4

Masa asi roha, mida sipardosa Jesus do manesa, dosa sasudena Na gogo mudarNa, mamintori hita Angka asi roha, masa di pardosa.

Verse 5

Jesus do Tuhanku, parsigantunganku Jesus do ojahan, ni haporseaon Ndada au tahutan, nang di parmaraan Jesus do Tuhanku, parsigantunganku.