No. 185 HOLAN SADA DEBATANTA

Verse 1

Holan sada Debatanta, na manompa sasude Na tarida di matanta, nang na so tarida pe Tanda ma ruhutna i, unang lilu rohami

Verse 2

Ndang marmula Debatanta, nang ujungna pe ndang ro Ndang tarida di matanta, ai rupaNa tondi do Holan mata ni roham, tau mananda Debatam

Verse 3

Diingani Debatanta, parluhutan i sude Diingani nang rohanta, digomgomi sasude Nang hagogoonNa i, ndang marhatudosan i.

Verse 4

Na bonar do Debatanta, jala na badia pe Na sun pistar Debatanta, pangoluhon sasude Pos ni roha situtu, Debatanta na burju.

Verse 5

Sai na sintong do hataNa, na tinonahonNa i Atik pe asi rohaNa, ndang paubaonNa i Sai oloi ma i sude, asa sonang ho muse.