No. 183 NA JUMPANG AU

Verse 1

Na jumpang au na asi roha, di au naung mago i hian Tuhan Jesus parasi roha, di au na lilu na hinan Nuaeng hutanda Tuhanki, parasi roha bolon i, parasi roha bolon i

Verse 2

Dibahen godang ni dosangku, tung hona uhum au tama Hape ro Jesus dipadomu, au muse dohot Debata MudarNa na badia i, pajongjong pardomuan i, pajongjong pardomuan i.

Verse 3

On pe holan asi ni roha, sipangasahononhon i Sipujionku do Jahowa, dung ro na pamanathon i Unduk huhut las rohangki, mamuji asiroha i, mamuji asiroha i.

Verse 4

Ianggo i ndang taragohon, baenon ni manang aha pe Sai asiMi hupangasahon, di tangiangku sasude Mate pe au, pos rohangki, marningot asiasiMi, marningot asiasiMi

Verse 5

I pe, ale Tuhan Jahowa, unang unsati asiMi Boan ma au ale Jahowa, dung mate au tu lambungMi Tongtong las rohangki disi, mamuji asiasiMi, mamuji asiasiMi