Naskah
Isi lengkap
Verse 1
Torop do pe na siat i, di hasampuran rea I pe hamu pardosa i, sai olo ma porsea Ai Debata manjou hamu, tu hasonangan situtu Hamu, hamu dijou Debatamu.
Verse 2
Tama longang roham ale, umbege pangontangNa Antong sai unang jua be, tangihon pamioNa Ai Debata mamio ho, dibahen i sai ro ma ho Sai ro, sai ro, tu surgo ma ho ro.
Verse 3
Pardosa ho didok roham, na so tama be dohot? Ndang pola ala ni dosam, umbaen na sundat bongot. Ai nunga sae do dosami, digarar Tuhan Jesus i Naung sae, naung sae, naung sae do dosami.
Verse 4
Haporseai ma hata i, ai i do haluaon Haposi Tuhan Jesus i, mudarNa i ma golom Ai nang gok dosa rohami, malua ho bahenon ni Tutu, tutu, malua baenon ni.
Verse 5
Antong, beha roham disi? Sai rap ma hita bongot Tu hasampuran rea i, tu hasonangan sogot Tapuji ma Tuhanta i, dibaen asi rohaNa i Tongtong, tongtong, asi rohaNa i.