No. 128 DITANDA DEBATANTA

Verse 1

Ditanda Debatanta na di Ibana i Na metmet nang na balga di nasa bangso i Ndang mago loasonNa nang sada sian i Ditogu do sudena tu hasonangan i Ditogu do sudena tu hasonangan i

Verse 2

Ditanda do nasida dibaen porsea do Nasida di hataNa, naung tu nasida ro I do hangoluanNa, i do guruNa i Laos i do sinjatana mangalo musu i Laos i do sinjatana mangalo musu i

Verse 3

Ditanda do nasida dibaen mangkirim di Na pinarbagahonNa, tongtong rohana i Sai saut do bahenonNa sude hataNa i I do sitiopanna ro di ajalna i I do sitiopanna ro di ajalna i

Verse 4

Ditanda do nasida dibaen holong sude Rohana di Ibana, nang di donganna pe Ai i do na mandasdas nasida sai tongtong Asa tung dipatolhas patikNa i sintong Asa tung dipatolhas patikNa i sintong

Verse 5

Sai songon i ditanda Tuhanta jolma i Na mangoloi hataNa di nasa bangso i Haporseaon i do partinandaan i Padohot pangkirimon nang haholongon i Padohot pangkirimon nang haholongon i.