Naskah
Isi lengkap
Verse 1
Aha ma endehononhu, asa pujionku Ho. Ale Tuhan Debatangku, sai urupi au gogo. Ai ndang tarpajojor ahu, asi ni rohaM di ahu. Ala ni hupuji Ho tung marribu hali do.
Verse 2
Sai sungguli ma rohangku, mangendehon gogoMi. Dohot asi ni rohaMu, ro di habasaronMi. Ai i do dihatindangkon Tondi dohot pamatangku. Ala ni hupuji Ho tung marribu hali do.
Verse 3
Ia godang ni dosangku dipingkiri rohangki. Longang situtu rohangku, manimbangi lambas ni. RohaMi ale Tuhanku, mida pangalaosingku. Ala ni hupuji Ho tung marribu hali do.
Verse 4
Haholongon, habasaron Hata hangoluan i. Dohot angka haporsuhon, I do parhiteanMi. Manogihon au anakMu, masuk tu harajaonMu. Ala ni hupuji Ho tung marribu hali do.
Verse 5
Sai patogu ma rohangku Pasangaphon goarMi, Dohot haporseaonku, asa tu gandana i. Sai pamasuk ale Tuhan, tondingki tu hangoluan. Mangendehon sangapMi salelenglelengna i.