Naskah
Isi lengkap
Verse 1
O Tondi Parbadia i, bongoti rohanami be, ro Sipatiur roha. O Sondang sian Surgo i, sondangi rohanami be, tu halalas ni roha. Asa masa patupahon pinodahon ni hataMu ;Sai tu hami ma rohaMu.
Verse 2
Ho do silehon roha i, di nasa na porsea i, tumpahi rohanami; Patogu rohanami be, pasar hataM tu sasude, sai tong dongani hami. On pe sude, parrohaon, hatuaon lehononMu ;Sipujion do goarMu.
Verse 3
Sai pargogoi ma hami on, mangihutihut hataMon di pardalanannami. Haporseaonnami pe tambai tung masa aha pe, na bernit taononnami. Tatap, tatap sude hami, rohanami pasonangkon hajolmaon hamonangkon.
Verse 4
Sungguli hami on sude, huhut paburju hami be mangalo dosanami. Papir ma tondinami on, papos ma rohanami on di paraloannami. Gohi, gohi rohanami asa hami mambolongkon losok dohot halembaon.
Verse 5
Ho batu mamak na togu, na tau ojahan situtu, paojak rohanami; Tu hata hasintongan i. Tung unang olo lilu be, nang sada sian hami. Lehon roha na tumogu na umburju manggoari Jesus Kristus Tuhannami.
Verse 6
Pangapul sian surgo i, songgopi rohanami be, pasaor dameM tu hami. Pamalo hami on tongtong mamboan roha na holong, di angka dongannami. Dao ma bada dohot hosom ingkon tongtong sonang hami mandalani dalannami.